|
||||||
 |
 As Toupas son máis do Día de Reis :) . Xa vai unha boa tempada sen falarvos dende a toupeira, resistindo este difícil e longo inverno. Non imos a negar que son tempos difíciles e que se fai duro resistir, pero é tempo de Nadal e de ilusións renovadas, sobre todo despois de recibir tantos azos nos últimos días pola vosa parte. Estivemos a revisar e renovar todo o noso catálogo, polo que xa podedes atopar as últimas novidades en todas as seccións: libros, música, banda deseñada e ilustración, incluso algunhas cousiñas en audiovisual. Aínda hai traballo por diante, con algunhas novidades por chegar, xa que a pesar da crise a creatividade da cultura galega segue a producir grandes xoias, pero xa iremos falando ;) Bo Nadal dende Toupa.net ! . .
 #Rosalía175anos . Hoxe celébrase o 175 aniversario do nacemento de Rosalía de Castro e en Toupa.net queremos celebralo regalando unha camisola de Rosalía de Castro a todos os pedidos que superen os 25,00 € O deseño é de Falcatruada ( Pequena Suricata ), de ahí a inspiración musical, e as tallas dispoñibles son: 7-8 anos / 9-11 anos / 12-13 anos / S / M / L (ata esgotar existencias) Só tedes que indicar nas observacións do pedido a talla que preferides Bó día de Rosalía! ;) .  Engurras (Arrugas/Wrinkles) ven de estrear versión cinematográfica . Resulta moi complicado achegar novidades relacionadas co audiovisual, por iso é unha feliz coincidencia poder ofrecervos catro referencias tan interesantes. A versión en DVD de Crebinsky, unha coidada edición de Pa Negre coa novela e a fita subtitulada ao galego e o DVD de 18 comidas son propostas que demostran o bo estado do cine galego e catalán durante os últimos anos. Tamén chega da man de El Patito Editorial “Engurras“, a tradución ao galego da premiada banda deseñada de Paco Roca “Arrugas”. A recente estrea en cines da versión cinematográfica, producida pola galega Perro Verde Films, permite achegarse doutro xeito a esta emocionante historia e está sendo refrendada con éxitos como a preselección para os Óscar, xusto ás portas da nominación. De seguro que será outra vez protagonista na entrega dos Goya, onde está nominada por partida dobre. . … aínda que parece que cada vez fai máis frío ahí fóra. Son tempos difíciles, pero despois dun inverno tan longo á forza terá que chegar unha fermosa primavera ;)  O noso primeiro aniversario!! Como pasa o tempo! Fai un ano andabamos atacadiños dos nervios na toupeira… :) Graciñas a todas e a todos por este 1º ano de Toupa.net !
 Poesía e Fabas de Lourenzá . Tan contenta quedou a xente co guiso que Ugia Pedreira preparou no AchegArte que decidimos dar a oportunidade de repetir experiencia… cada un na súa casiña claro :) Coa colaboración da nosa querida Marina xuntamos os ingredientes básicos: poesía da Mariña, fabas de lourenzá e de agasallo a receita do guiso. Iso si, reservámonos o segredo do picante daquel día. Aí, xa cada un terá que salpimentar segundo prefira ;) .
 1º aniversario | 04 de maio de 2011 . Como pasa o tempo!! Parece que foi onte cando estabamos cos últimos retoques na toupeira e agardando que todo funcionase ben o día do lanzamento: o 4 de maio de 2010… e xa vai un ano! Polo camiño creamos 3.000 fichas de artigos, autores e editoras, que traballiño! Ademais, con máis de 1.300 usuarios e usuarias rexistradas en Toupa.net e con 2.200 amigos e amigas entre facebook e twitter arroupándonos… que máis podemos pedir para este primeiro ano de vida? . Por iso, e só para os que estivéchedes máis preto de nós neste primeiro ano, queremos facervos un pequeno agasallo de aniversario: Os pedidos que realicedes na
|
|||||
|
Copyright © 2013 | GZ |
||||||
